廣州氣溫反反覆覆
好似着咩都唔啱
不如試試萬能疊穿法
凍嘅時候着多件
熱嘅時候又可以除落嚟
無論係學院風、運動look、
抑或甜美系、潮酷風
樣樣掂！
掂曬！
咁咩嘢係疊穿？
顧名思義
就係一件疊一件
營造出有層次感嘅穿搭
點樣疊穿先好睇？
等可樂君帶你look一look
各位明星嘅演繹啦！
毛衣馬甲搭配襯衫
係非常經典嘅學院風疊穿
比如話曾可妮呢身
偏紫藍色嘅搭配
就有好乖好純品嘅感覺
王俊凱呢身寬鬆搭配
有些少壞男孩嘅feel
經典黑白格紋嘅基礎上
加上咗閃耀嘅絲線
令整個造型變得更爲搶眼
孟美岐嘅彩色冷衫
顏色充滿秋天豐收嘅感覺
配以白色襯衫
再加飾品點綴
李沁嘅毛衣配短T
同樣帶俾人清新學院風嘅感覺
寬鬆疏孔嘅毛衣比較通風
唔會令人覺得太熱
熱嘅話又可以除咗佢
單着一件T恤
衛衣疊穿
同樣十分容易駕馭
樸寶劍嘅黑色衛衣配西裝
整體造型偏向休閒
唔係太正式嘅場合可以着
以上嘅疊穿比較容易掌握
接下來嘅疊穿
更具時尚感之餘
亦更加考驗大家嘅技巧
比如話王一博嘅
領子疊領子疊穿法
選擇咗較爲鮮豔花巧嘅襯衫
疊穿黑色有領外套
搶眼奪目又唔會感覺冶豔
羅雲熙西裝配大衣嘅疊穿
雖然有好多個衣領疊埋
但望落非常有型有款
外搭嘅拼色大衣
令整體造型成熟大氣之餘
又盡顯時尚感
長短袖疊穿
係比較常見嘅疊穿方式
丁禹兮在此基礎上
再搭配一件馬甲
爲造型增添咗運動潮酷嘅感覺
佢另外一身長短袖疊穿
都非常有時尚感
寬鬆嘅外套衣袖稍短
手部露出內裏襯衫嘅花紋
爲整體造型增添趣味感
楊超越呢身
領子疊領子嘅搭配
特色在於裏面件衫
衣領下帶有鏤空設計
可以小露性感
講到鏤空搭配
佢另一套白色復古泡泡袖襯衫
搭配藍色鏤空背心裙
就顯得十分可愛甜美
明星有專人幫手搭配
造型自然比較精緻
不過大家都可以參考學習下
喺佢哋身上搵D靈感噶！
睇咗咁多位明星嘅搭配
大家又學到幾多呢？
資料來源：微博、藝人社交平臺
互聯網綜合整理
編輯：Junko
*文中圖片如涉及侵權請聯繫，立即刪除
掃描下方二維碼
get最新672期《可樂生活》
▼
海鮮包送到屋企
你都可以做廚神
▼
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方唯一商務合作QQ：19021820609
